Ein av våre, Sveinung Steine, vann klasse 3 i Sandeidstemnet i skyting i helga. 230 poeng av 250. Kjempeflott levert!
Også Thorbjørn Samland gjorde det godt i den klassen med 225 poeng og 6. plass.
I klassen under, klasse 2 skaut Olav Samland 216 poeng til ein 8.plass. Alle tre er busette på Frette.
Einar Gisle Sellevold
M/S STEIN VIKING KOM HEIM!
Regnver, men kai full med folk tok i mot M/S Stein Viking då han kom frå Tvedestrand til Teigland ved Åkrafjordtunet fredag kveld.
Gisle Eintveit og Robert Melkeraaen hadde ført båten trygt heim til Åkrafjorden, og den tidlegare eigaren var med som mannskap. Fantastisk stemning med flagg, bjøller og ballongar - og mange ungar! Og folk frå Romania og Tyskland minte oss om potensialet. Dette var i tråd med Liv Kari Bødtker - leiar i Åkrafjorden Oppleving - sine røynsler på sist reiselivsmesse. Åkrafjorden har store mogelegheiter også for utenlandske turistar.
Kake, brus og kaffi. Og korte helsingar og gratulasjonar og ein tur på fjorden. Ser ut til å vera ein flott og høveleg båt med to salongar og sitjeplassar ute. No er mogelegheitene mange. Berre fantasien avgrensar.
Einar Gisle Sellevold
Då får du "minst" 15% rabatt på løpsutstyr på MX-Sport i Etne.
Du må ha med deg gyldig medlemskort. Du finn dei i kaien på Etne Forbruksforening. Dei har no fått inn nytt lager av løpetøy.
Einar Gisle Sellevold
Frå 1/1 til 30.4. 2010 har dei tre laga fått inn i alt kr 20780.-! (Antal registrerte tipparar i parentes).
Fjæra og Rullestad IL: kr 2835.- (20 + 3)
IL Gro: kr 4377.- (25 - )
IF Klypetussen: kr 13568,- (57 -1)
Einar Gisle Sellevold
Logokonkurranse for nytt konsept: LANGFOSS OPP.
Heider og premie.
* Heider: vinnaren får sin logo på diplomar, t-skjorter, annonsar og caps osb.
* Premie: kr 500.- og gratis t-skjorte med logo på, og gratis start i LANGFOSS OPP laurdag 3. juli 2010.
Reglar for konkurransen kan du få tilsendt frå egsellev@online.no eller ringa Gisle Sellevold 4860 2195.
25 LØPARAR OVER 4 MÅNADAR FØR START!
Kurt Raymond Jegteberg er nr 25 om er påmeld i løpsklassen i det 9. "LANGS ÅKRAFJORDEN" laurdag 14. august.
Start på Tjelmeland (Kyrping Bensin), gamle E-76 11 km langs vakre Åkrafjorden til Åkrafjordtunet - eventyrslottet på Teigland.
Der vert det mini-sportsmesse ved MX-Sport i Etne, grilling, speakerteneste med musikk, praktiske opplysningar, intervjuar og spørjekonkurranse ved Etne Sogelag.
Vil du sjå kven som er påmelde til no - sjå undersida "Langs Åkrafjorden".
Vil du melda deg på: egsellev@online.no og betaling på kontonummer: 3543.1012128 i Etne Sparebank - vår gode hovudsponsor.
Einar Gisle Sellevold
CAMILLA HEGERLAND OG KJETIL ESPELAND FYRST I TRONGJO NED.
Camilla Hegerland (yngste dotter til Liv Karin Hegerland) debuterte i Trongjo Ned og var raskaste jente føre syskenbarn Katrine Hegerland. Men det var berre så vidt, to små sekund skilde Camilla og Katrine. Kjetil Espeland vann herreklassen. Han fekk den strålande tida 7.35. I alt var det 57 deltakarar i det kalde, men fine veret.
Here are the results:
Jenter:
1. Camilla Hegerland 14.50
2. Katrine Hegerland, IF Klypetussen 14.52
Gutar:
1. Kjetil Espeland, KFUM, Ølen 7.35
2. Frank Ivan Knudsen, Hard. Politil IL 7.55
3. Skjalg Duesund, IF Klypetussen 8.18
4. Olav Samland, IF Klypetussen 8.24
5. Harald Måge, IF Klypetussen 8.37
6. Gisle Sellevold, IF Klypetussen 9.40
Neste løp er Bjørkeklubben Over onsdag 5. mai kl 1900.
Einar Gisle Sellevold
Fyrsteutkastet til kunstnar-diplom for Langfoss Opp er ferdig. Fantastisk flott! Diplomet og kunstnaren vil bli vist når logokonkurransen er avslutta. I utgangspunktet 2. mai.
Denne diplomen vert trykt og signert slik at berre dei som fullfører Langfoss Opp laurdag 3. juli 2010 får han.
To veker til må du ha ha tolamot før du får sjå diplomet.
Einar Gisle Sellevold
TRONGJO OPP FREDAG 9. APRIL
Tur: kl 1900. Løp: Kl 1930.
1750 m. 115 m flatt, 1635 m opp Kr 20.-
64 deltakarar i fjor. 2010: 52 fullførte.
Fjorårsvinnarar:
kvinner: Ingen damer!!!
menn: Sondre Rullestad, IL Korlevoll, Odda 7.48
TRONGJO NED LAURDAG 24.APRIL
Tur: kl 1500. Løp: kl 1530. Kr 20.-
Nytt i Trongjo Ned: kr 300.- i løyperekordpremie.
58 deltakarar i fjor. 2300 m 1615 m nedover, 685 flatt
Fjorårsvinnarar:
kvinner: Laila Frette, IF Klypetussen 11.18
menn: Terje Håland, IF Klypetussen 7.15
Løyperekordar:
Kvinner: Siv Merete Bø, Haugesund IL 7.05 (2007)
Menn: Gunnar Årvik, Rosendal Turn & IL 6.29 (2002)
BJØRKEKLUBBEN OVER ONSDAG 5. MAI
Tur kl 1900. Løp: kl 1930. 1269 m asfalt. Kr 20.-
51 deltakarar i fjor.
Fjorårsvinnarar:
kvinner: Ingen kvinns!
menn: Sondre Rullestad, Korlevoll IL- Odda 3.57
Alle arrangementa har trekking av premiar.
Sjå resten av stemnene på undersida "Tilskipingar".
Einar Gisle Sellevold
ETNE SPAREBANK 150 ÅR: BALLBINGE I GÅVE TIL SÆVAREID-STORDALEN! VERDI KR 500 000!
Dersom det vert kobla saman med nytt garderobebygg t.d. på Frette, så vil det løysa ut tilskott av tippemidlar..? Då kan ein eventuelt få enno meir for pengane..? Trivselsgrenda står som mottakar.
Ballbinge til Sørbygdo/Rygg, Sævareid-Stordalen og Sørstranda var ei svær gæve utanom det nokon hadde tenkt. Kanino som vart trekt opp av hatten der og då.
Einar Gisle Sellevold
På biletet ser du Sondre Rullestad Korlevoll-Odda IL som vann både Trongjo Opp og Bjørkeklubben Over i 2009. På undersida "Klypetusskarusellen" under IF Klypetussen finn du testresultat både for Trongjo Opp og Trongjo Ned. Du kan og testa deg og senda testresultatet på e-post: egsellev@online.no
HOPPANDE, HOPPANDE GLAD! Del 1.
Etne Sparebank feira sine 150 fyrste år. Delte ut gåver og gleda mange, mange! Fin fest og fantastisk datastyrt fyrverkeri med matchande musikk til. Vakkert - med mange hundre tilskuarar.
Det som gjer meg så hoppande glad er at det vart løyvd pengar til kunststoffdekke på Etne Stadion. Det er siste brikka i eit multitrenings-konsept i Etne.
* Fjordane
* Litledalsvatnet
* Stordalsvatnet
* Skakkesenteret
* Ballbingar
* Flotte fotballbaner
* Flott tennisanlegg
* Hotellkapasitet
* Hytter
* Flott næringsliv med alt du treng
* Halvfjordingen
* Fjell i særklasse
* Etne Kommune si nye flotte nettside som høver godt til å invitera til ein av dei flottaste og beste kommun-ane i Noreg.
* og eldsjeler
Med ein tidsriktig stadion er siste brikka for å invitera til treningsleirar for alle typer idrettar.
Eg var i Øvre Årdal då dei som fyrste kommune utanom storbyane fekk kunstdekke på Jotun Stadion. Ein fantastisk entusiasme! Landskamp og NM i friidrett i to påfølgande sesongar. Med enormt samarbeid mellom idrett, kultur, kommunen og ikkje minst næringslivet vart det skapt fantastisk samhold og entusiasme i kommunen.
Hjå oss i Etne starta ein slik prosess for alvor med kr 500 000 løyvd av ETNE SPAREBANK i kveld.
Eg ser for meg oppgangstider i Etne. ME HAR ALLE MOGELEGHEITER! Entusiasmen pengane til dette og andre ting er mest viktige på grunn av signaleffekten og entusiasmen dei skapar.
Eg vil rosa ETNE SPAREBANK for det dei no har gjeve fødselshjelp.
Einar Gisle Sellevold
SJÅ REPORTASJE PÅ SIDA "BEDEHUS OG KYRKJE".
Bilete av Per Hjemdal "Nyepresten".
TRONGJO OPP MED TORBJØRN OG HARALD ANDRÉ I SLAG! Over 50 deltakarar!
Torbjørn Sande og Harald André Hansen (sjå biletet) prøvde seg for fyrste gong på Trongjo Opp i løpeklassen. Dette kan vera komande storløparar. I alle høve var det to kjempeløp dei presterte i det 1750 m lange Trongjo Opp i godveret på Frette i dag, 9. april i eit fritt land.
Skalg Duesund var i 2009 ein av dei beste på Kondis si liste for halvmaraton i klassen over 60 år. Han trenar jamt 3 - 4 gonger i veka stort sett heile året. Han er gardbrukar på Lund, den ytste garden på tangen i Vatsvatnet før Knapphus. Me er stolte at han er medlem i IF Klypetusssen.
Arrangørane er og stolte over at Frank Ivan Knudsen frå Hardanger Politi IL kjem den lange vegen frå Tyssedal til meste kvart løp. Han ville koma att laurdag 24. april til Trongjo Ned.
OBS! Alle som stilte i løpsklassen får kr 25.- i avslag på startpengane om dei stiller i det fyrste LANGFOSS OPP laurdag 3. juli. Fullstendig liste med alle turgåarar kjem på www.klypetussen.no
Sjå bilete i "Fotoalbum".
Tider:
1. Skjalg Duesund IF Klypetussen 8.53
2. Frank Ivan Knudsen Hardanger Politi IL 9.07
3. Harald Måge IF Klypetussen 10.17
4. Olav Samland IF Klypetussen 10.27
5. Torbjørn Sande Etne IL 10.34
6.Harald André Hansen IF Klypetussen 11.33
7. Gisle Sellevold IF Klypetussen 12.14
Einar Gisle Sellevold
PER RUNE KOLÅS. GRATULERER!
Per Rune Kolås meldte seg på innan fyrste frist for påmelding, der Fjorda-alliansen lova å trekka 10 flaxlodd blant dei som melde seg på og betalte innan fristen. I tillegg får ALLE som melder seg på i løpsklassen - og betalar - før 1. mai, kr 50.- i avslag pluss gratis t-skjorte.
Konto 3543.1012128 i Etne Sparebank. Er du i tillegg medlem i Kondis får du kr 25.- ekstra i avslag.
... og er med i trekkinga av kr 6000.- sponsa av Etne Sparebank.
Einar Gisle Sellevold
Lars Kristian Gjerde, Kolnes var innom på heimesida, fylgde oppmodinga om å ringa, og vart registrert som oppslag nr 10000.
Du har sikkert lese stykka hans i Haugesunds Avis og HT Nytt om turar du kan ta rundt om på nutar og elles naturvakre område på Haugalandet. Illustrert med kart og glimrande bilete. Lars Kristian er nemleg ein særs dugande fotograf.
Gratulerer! Flaxlodd kjem i posten.
Einar Gisle Sellevold
I DAG 6. APRIL 2010 PASSERER ME 10000 OPPSLAG !
Sjå godt på teljeverket! Er det beint 10000 når du er innom, ring eller SMS STRAKS til 4860 2195 Gisle Sellevold. Kan hende vankar det ein liten premie.
Etter berre ca 6 månader passerer denne sida 10000 oppslag. Frå i går til i dag over 400! Ny døgnrekord!
Einar Gisle Sellevold
MYKJE FOLK I FJÆRA KAPELL!
Kring 60 personar fylte spent "nyepresten" Per Hjemdal, nytilsett som sokneprest i Etne i går 4. april.
Det var og dåp med lokale aktørar: tvillingane Åsa og Kari Riise frå Bergstø (mellom Rullestad og Skare)vart døypte på Fjæra kapell denne høgtidsfylte dagen.
Presten var klår, og hadde ein stille, lyttande kyrkjelyd. Påskebodskapen var enkel og grei. Jesus talte direkte til oss alminnelege menneske. Me måtte ta i mot når han kalte på oss. Det var for slike som hadde eit ope hjarte som Maria og læresveinane Jesus viste seg. Dei som stengte seg inne og var forutinntatte som t.d. dei skriftlærde og Pontius Pilatus - dei fekk ikkje møta Jesus etter oppstoda.
I all gleda og alvoret som presten levandegjorde på ein fin og engasjert vis, var det óg nokre humørfylte utilsikta episodar som også bidro til ein særs god start for den nye soknepresten:
Fyrst var det dåpshua til eldstejenta som ikkje lot seg løsne, før etter mykje strev. Det vart takla på ein særs god og humørfylt måte, så det ikkje vart pinleg for nokon.
Det var heller ikkje pinleg då organisten venta på at presten skulle annonsera offringa denne dagen: det måtte presten medgje at han ikkje hadde fått med seg i farten.
"Offringa utset me til neste gong - og då gir me dobbelt så mykje!", sa presten til latter frå kyrkjelyden.
Me har vore velsigna med særiøse og gode prestar i Skånevik og Etne dei snart 30 åra eg har vore her. Denne ser ut til å forsvara ein plass i det ærefulle galleriet.
Einar Gisle Sellevold
ALLE SOM FULLFØRER "TRONGJO OPP" I LØPEKLASSEN (KL 1930) FREDAG 9. APRIL FÅR KR 25.- I AVSLAG PÅ DET NYE MOTBAKKELØPET "LANGFOSS OPP" 3. JULI.
Det gjeld óg påsketuristar som tek Trongjo Opp som funksjonærløp no i påska.
Einar Gisle Sellevold
1.april 2010: HÅLANDSHOVDA I SOLSKIN OG KLÅRVER
Føremiddagen 1. april tok Harald Måge og under-teikna ein prøvetur til Hålandshovda. Prøve av di me var litt uvisse på all snøen. Men det gjekk bra å gå opp - nokon hadde gått føre og laga spor. Sol og klårt og 10.5 C nede. Oppe blæs ein sur vind, men strålande utsikt! Med roleg gange brukte me snautt 55 minutt opp.
På vegen ned trefte me på Hovdastøl Kjell E.A. Vinje. Ein ingeniør frå Oslo som har slekt i Åkrafjorden (sjå biletet over). Det er ikkje fyrste gong han går til Hålandshovda. Det var overraskande og kjekt å treffa folk i dag.
Korleis var det å gå?
Litt blautt somme stader, men greitt. Og med den temperaturen me har no er det berrt overalt om ikkje alt for mange dagane.
Einar Gisle Sellevold
ROY KALDHEIM NR 58 AV 1660 I KLASSE 35-39 ÅR!
(i mangel av skibilete har me nytta eit løpebilete frå nettet.)
2.59.51 og 58. plass i sin aldersklasse av Roy Kaldheim i Birkebeinerrennet 2010.
Skirennet går frå Rena til Lillehammer, og er 54 km langt. Ein av dei store klassikarane. Du må gå med sekk på 3.5 kg. Løpet vart skipa til fyrste gong i 1934. Nr 1 og 2 i denne klassen var Anders Aukland og Stanislav Rezac som begge har vore i front i Vasaloppet i mange år. I Birken harRezac rekorden på 2.24.33 frå 2008.
Aktuell Roy Kaldheim:
Forgrunnsfigur i Langs Åkrafjorden 14.august 2010.
Familiemann i full jobb i Kaldheim Bil, Båt og Bobil A/S på Steinslandsletta i Sandeid.
Les intervju med Roy på www.klypetussen.no
Roy trenar ikkje så mykje som då han var på toppen, og nett derfor må det vera fantastisk å bli nr 58 av 1660 deltakarar.
FJORDA-ALLIANSEN GRATULERER!
Einar Gisle Sellevold
9941 99099 Håland Grendahus registrert!
No kan du registrera deg som grasrotandel-gjevar til Håland Grendahus. På Kyrping Bensin og Dagligvare og på Åkrafjordtunet er dei "innskrivne". Men kor som helst i landet finn kommisjonæren Håland Grendahus og registrerer deg for Håland Grendahus. 3 stykker har alt registrert seg.
Sjå meir på sida til Håland Grendahus.
Einar Gisle Sellevold
LANGFOSS OPP laurdag 3. juli for fyrste gong. Kvalitetsløp gjennom Kondis.
Påmeldingsfrist: måndag 21. juni, kr 200.-
Kondisrabatt: kr 25.- .
Etterpåmelding kr 100.- ekstra.
1.pr kr 1500.-
Løypa startar ved Langfoss kiosk ved E-134 og går rett opp ca 3.5 km. Alle får diplom med resultat etter aldersklasse, og er med i trekking av 10 flotte premiar.
Start kl 1215: Felles for dei som vil ha litt betre tid
kl 1300: intervallstart (30 sekund) for dei som vil kjempa om pengepremiane.
Påmelding: egsellev@online.no namn, fødselsår, klubb, evt. kondismedlemskap. Info: Gisle Sellevold 4860 2195. Vidare til "Alle 30" bok på Vaulo med guide: gje oss beskjed på førehand.
Arrangør: Fjordkafeen
Einar Gisle Sellevold
SÆVAREID OG STORDALEN UNGDOMSLAG KLARTE DET IGJEN!
Basar på det gamle skulehuset på Frette er tradisjon rett før påske. Det er ein kjekk tradisjon. Mykje folk, og spesielt det at det er så mange unge par med sine håpefulle. Ein spesiell og god stemning. Utruleg mange og flotte vinstar, flott atmosfære. Og mange unge dugnadistar under leiing av Sveinung Steine. Han har ein lun humor, og leidde basaren på framifrå vis!
Folk kjøpte årar og lodd i stor stil. Maten og kaffien har aldri smakt betre. Neste år gjeld det å vera tidleg ute , så me får plass....
Vil du sjå fleire bilete, sjå under "fotoalbum".
Einar Gisle Sellevold
ØLEN MUNN OG SPEL & STEINAR AALVIK - ein uslåeleg kombinasjon!
Håland Kulturhus kor é no det? Nei, du finn det ikkje i noko register, for det finst ikkje. Men Håland Grendahus finn du 100 m oppfor veien 1 km før Øvernes på E-134. Men onsdag 24. mars 2010 var det verkeleg eit kulturhus. Ølen Munn og Spel stilte med heile styrken på 9 mann. Mandolin, gitar og mange munnspel i c-dur. Festlege gamle klassikarar ga godlyd i dette lokalet som må ha den beste akustikken i heile distriktet. Programleiar Steinar Aalvik batt programmet saman med gapskratthistoriar, og let oss bli betre kjend med Olav Vik sitt liv og diktarvirke.
I tillegg allsong. Mykje allsong! Og sånn som det let. Utruleg mange glade ansikt - 60 i talet. Så mange har det ikkje vore sessa i Håland gamle skule sidan Svartedauen (sånn på lag)...
Garman & Funkel gjorde come-back. Anne Johanne "Funkel" Haaland sogar som nybakt oldemor. Og sanka applaus for songen gjorde dei.
Og inngangspengar og utlodding samla inn nesten 7000 brutto kronar til vidare restaurering av det koselege gamle skulehuset.
Det vart lagt ut 60 billettar og alle gjekk ut - og 16 stykker måtte stå på venteliste...
Takk til:
Steinar Aalvik
Ølen Munn og Spel
Martin Hegerland
Sigve Håland
Olav Hjelmtveit
Sigrid Øvernes
Sigrid Johanne Henriksen
Sigurd Johan Henriksen
Sigrid Berit Ljusnes Løvereide
Anne Johanne Haaland
Kjell Håkonsen
og alle som kom og bidrog til ein festleg kveld!
Einar Gisle Sellevold
LAURDAG 29. MAI KJEM JENTEBØLGEN TIL SKÅNEVIK
Me i Fjorda-alliansen vil støtta opp om dette landsomfattande prosjektet som dei driftige damene i Skånevik IL kjem til å gjennomføra på suverent vis!
Det vil koma meir om Jentebølgen på denne sida etter kvart.
Samstundes vil me nytta høve til å nemna arrangement før denne dato som kan tena til oppkøyring - arrangement med god atmosfære som Trongjo Opp, fredag 9. april, Trongjo Ned, laurdag 24.april, og Bjørkeklubben Over, onsdag 5. mai. Desse vil bli presenterte på denne sida i komande veke.
Likeeins er det viktig å halda fram med trim etter Jentebølgen. Då kan me tilby det nye løpet (og tur): Rullestadvatnet Rundt sundag 11. juli og ikkje minst Langs Åkrafjorden laurdag 14. august. Det blir stort!
Sjå elles undersida "Tilskipingar" her i venstremenyen.
Her finn du Torgdagane, Juraskarstråkket og mykje anna spennande.
Einar Gisle Sellevold
MELD DEG PÅ NO OG FÅ 25% AVSLAG +...!
Meld deg på før 1. mai (postlagd) eller på "kontakt"-sida her.
Slik gjer du:
* Skriv namnet ditt, fødselsår t.d.(-86)altså fødd i 1986.
* Skriv klubb, skule eller bedrift
* Send til egsellev@online.no
Info: Gisle Sellevold 4860 2195
Prisar:
Sykkel og turgåing: kr 100.-
Løp: kr 200.-. Før 1. mai kr 150.- pluss gratis t-skjorte
Medlem i Kondis kr 25.- ekstra rabatt.
FAMILIE: kr 300.- (foreldre og born under 17 år)
* Betal til konto: 3543.10.1212.8 Fjorda-alliansen i Etne Sparebank
"RULLESTADVATNET RUNDT" SUNDAG 11. JULI
Fyrste terrengløp rundt Rullestadvatnet.
Dagen etter den tradisjonelle fiskefestivalen på Fjæra er det opning av den nye stien rundt Rullestadvatnet. Det vert markert med både tur og løp.
meir info etter kvart på sida til Fjæra og Rullestad IL.
Sjå elles undersida: "tilskipingar".
Einar Gisle Sellevold
KOM, HA EIN KJEKKE KVELD -
MED STEINAR AALVIK, ØLEN MUNN OG SPELL!
60 billettar er "rivne bort" på få dagar...
Heilt fantastisk!
INGEN billettar att. Fleire enn 60 har me ikkje plass til. Så vil du stå på venteliste, ta kontakt med Gisle på 4860 2195 eller e-post: egsellev@online.no
Pr 18/1 2010 er det éin på venteliste.
P.S. Ny fest på Håland: onsdag 8. september
Boksignering, forteljestund og "Syng med Oss".
Einar Gisle Sellevold
Nei, da, dei er ikkje stolne, men av dei 60 utlagde billettane er det berre 30 att. Så vil du vera med på det kjekkaste arrangementet i Håland Grend sidan Svartedauen, må du skunda deg å skaffa deg billett.
Det er nokre klenodiar av ein billett Bjørn Kristiansen har laga, og du kan sikra deg billett for kr 80.- Pensjonistar, trygda og born kr 50.-.
Ring Einar Gisle 4860 2195 eller tinga på egsellev@online.no
Kom - ha ein kjekke kveld med Steinar Aalvik og Ølen Munn og Spell"!
Einar Gisle Sellevold
BILLETTSALET TIL KULTURKVELD ER I GONG
Bjørn Kristiansen har laga 60 fantastisk flotte billettar til kulturkveld på Håland onsdag 24. mars.
Billettane er i seg sjølv verdt som klenodiar. Dei er nummererte og er dei fyrste billettane selt til tilskiping på Håland. Allsong, utlodning, kaffi, pannekaker, vaflar og ØLEN MUNN OG SPELL. Og ikkje minst: festleiar: STEINAR AALVIK. Han vil og hjelpa oss inn i Olav Vik si verd.
Ring Gisle Sellevold 4860 2195 eller på e-post: egsellev@online.no for billettar. Kr 50.- for pensjonistar, trygda og born. Kr 80.- elles.
Einar Gisle Sellevold
"SYNG MED OSS" MED MYKJE SPENNANDE ONS. 24. MARS KL 1930. PRIS KR 80.- pensjonistar, born over 6 år, trygda kr 50.-. Born under skulealder gratis.
ALT OVERSKOT TIL SKULEHUSET.
* ALLSONG
* ØLEN MUNN & SPELL M/GAMLE GODE! Høg humørfaktor!
* GRATIS MAT
* UTLODNING
* OLAV VIK 100 ÅR. ME VIL MARKERA DETTE.
Max 50 billettar. Bestill hjå Einar Gisle på 4860 2195
Øystein Ekrheim 13 år, har i dag vorte nr 9 i Ungdommens Holmenkollfestival med fleire hundre deltakarar. I går gjekk han klassisk, i dag skøyting. På torsdag var det høgde og lengde utan tilløp. Ein allsidig kar.
Ole Rullestad, Korlevoll, Odda gjekk i same stemne inn til 100. plass. Også det er bra når det er 200 deltakarar. Ole er født i 1996.
Einar Gisle Sellevold
ØYSTEIN EKRHEIM NR 11 AV 206 I OSLO!
Ove Ekrheim, Etne IL gjekk stad og vann Tour de Stordalsvatnet på god tid. Men det er ikkje berre Ove som er god på ski i den familien. I dag, laurdag 20.2. gjekk yngste-sonen Øystein inn til 11. plass av heile 206 deltakarar i Ungdommens Holmenkollrenn i Oslo. Løpet var 3 km og gjekk i klassisk stil. Arrangementet er det største i Noreg i sitt slag.
Me kan bli gode her i Etne og.
GRATULERER, ØYSTEIN!
Einar Gisle Sellevold
TRENINGSRENN TOUR de STORDALEN
3 PREMIAR TREKTE:
1 CD COUNTRYMUSIKK: MARIUS FEDJE
1 FLAXLODD: SIRI SANDE FRETTE
1 LITE BORD: INGELIN STÅLESEN
Tilskipar: HÅLAND GRENDAHUS
Einar Gisle Sellevold
HEILE 84 REGISTRERTE BRUKARAR AV LØYPENE PÅ STORDALSVATNET.
0.55 km: Skeisebana Rundt 10 registrerte
2.0 km: Flåteløypo 25 registrerte
10.3 km: Tour de Stordalsvatnet 51 registrerte
Du finn alle som underside til IF Klypetussen: Tour de...
RASKASTE MANN: OVE EKRHEIM 33.59.9
Om du går på tid, i tilskiping eller åleine, vil me vita det, så me kan visa litt av aktiviteten på Stordalsvatnet det året det var trygg is i månadsvis og med skisnø på.
Lista vert oppdatert etter kvart. Vil du ha tida di på lista, må du gje beskjed.
Einar Gisle Sellevold
STEFFEN RAFDAL slo til med kjempeløp i Tour de Stordalsvatnet! Han er fødd i 2003 og gjekk 2 km på 10.37.6. (Me kom i skade for å skriva tida hans i mål i fyrsteutgåva av resultatlista, utan å trekkja frå at han starta 3.5 minutt etter fyrstemann).
Sjå bilete frå touren på www.bjorn-kristiansen.com
Du kan bestilla bilete til kr 20.- pr stk.
TAKK TIL SÆVAREID & STORDALEN UNGDOMSLAG!
TOUR de STORDALSVATNET vart skipa til i dag sundag 14. februar 2010 for fyrste gong. Rundt hundre funksjonærar, deltakarar i trimklasser og på tid, møtte opp på Stordalsvatnet på Frette i dag. Rundt 0C, vindstille og overskya. Veldig høveleg ver. Sævareid & Stordalen Ungdomslag hadde sett opp telt, grillgryter og handelsbu med særs unge og flinke seljarar. Lars Jørgen Stålesen hadde tromma saman mange viljuge og flinke dugnadsfolk. Utruleg kjekt! lappar og pølser vart selt til inntekt for SSUL, brus til inntekt for IF Klypetussen og startpengane gjekk til Håland kulturhus.
Lars Jørgen og kompani fekk og skrapt snø vekk frå isen og laga brukbar skeisebane.
Løypene på 550 m for dei minste, 2 km for dei opp til 15 år og 10.3 km rundt Neseholmen for dei vaksne. Løypene er nøyaktige målte med GPS. Alt dette er det Lars Jørgen Stålesen som har stått for.
Bilete kan du sjå på IF Klypetussen si side i venstremenyen under fotoalbum. Det vil óg bli lagt ut bilete - av topp kvalitet - på www.bjørn.kristiansen.com
resultatlistene kjem her om ca 60 minutt. Sjå og: www.klypetussen.no
Einar Gisle Sellevold
"Langs Åkrafjorden" 21 påmelde!
6 månader før start 21 påmelde. To sveitsarar: Martina Koenig og Kaspar Zwicky. Og ein rumenar Maryna Novik. Velkomen!
OLAV VIK MARKERING AV BESTE SLAG!
Nett komen heim frå Kulturnatt og markering av at det er hundre år sidan Olav Vik vart fødd er det stappfullt i hovudet av positive opplevingar.
Grete Hopland Ravn sin prolog om Olav Vik var superb. Rett og slett utruleg flott!
God mat og god tale av Jostein Osnes er med.
Etne Sparebank hadde løyvt kr 200 000 til Olav Vik stiftinga. Det betyr veldig mykje for eldsjeler å sleppa heile tida å streva for å få pengar til naudsynte prosjekt. Dette var stort. Sigrid Klungland hadde ei fin framføring av eit av Olav Vik sine dikt.
Det var også hyggelege ord av ordførar Sigve Sørheim, Andreas Klungland og Endre Tjelmeland.
Knut B. Molnes vart også heidra. Med all rett. Han var sterkt delaktig i å få Olav Vik si dikting fram i lyset. Ingen las dikt som Knut B. Molnes.
Hans fabelaktige teikningar var videoklarerte på ein flott måte av Dag Silde. Knut si eldste dotter Audny og boren Knut jr. fekk trampeklapp då dei fortalte om faren sitt liv og virke som kunstnar på si og i det stille. For ein som kjende Knut B. vart det tolka som ein varm takk til han. Eit varmt og flott menneske!
Musikkgruppa Rekved hadde ein variert og god presentasjon av Olav Vik si dikting, med gode innslag av Tone Kvammen og Steinar Aalvik - med store porsjonar av humor.
Jan Udstuen hadde laga ein kjempeflott video av og med Olav Vik.
Men det kom meir...
Bileta til Jan Rabben må vera i verdsklasse. National Geographic Channel og Animal Planet kan ikkje varte opp med betre. Dråpebileta spesielt er heilt unike.
Til slutt var det gamaldans til framifrå trekkspelmusikk.
Komiteen hadde gjort framifrå førearbeid, og fortener mykje ros.
Steinar Aalvik var eit stort kapittel for seg. Ein så flott samanbindar av ei så variert tilskiping, er ikkje råd til å få betre. "Da é'kje betre i bydn". Han er god til vanleg, men konfransierjobben denne kvelden stod til terningkast 6.
Einar Gisle Sellevold
LANGS ÅKRAFJORDEN: ERIK RULLESTAD HAR MELDT SEG PÅ!
Andremann på Langs Åkrafjorden 2009 Erik Rullestad, Fjæra og Rullestad IL, har alt meldt seg på - over 6 månader før løpet laurdag 14. august! No er det alt 14 påmeldte med Roy Kaldheim i spissen. Erik Rullestad delte andreplassen med Sverre Aksland frå Stegaberg IL på den glimrande tida 43.43. Det går rykte om at Erik vil utfordra storebror Sondre som var nr 2 i 2008. Følg med, følg med!
Også Tøres Rullestad snart 10 år har meldt seg på! Han er eigentleg ikkje gamal nok, men stiller på dispensasjon. Då arrangørane sin representant fekk førespurnad om han får lov til å springa, var det lett å seia ja.
For alle som las om Tøres i Haugesunds Avis at han klarte "Alle 30" nutane i Etne i 2009, så vil det ikkje overraska om han har mange bak seg når han kjem i mål laurdag 14. august. På ein av turane med far og eldre brør gjekk (sprang) han frå Hålandsheio, Nesestølen, Håfjellet (937 m.o.h.) til Juraskarskjerringjo, Stronda- haugane og ned til Åsheim - på rekordtid. Storebrørne får det ikkje lett om to-treårs tid. Tøres Rullestad - legg merke til namnet fyrst som sist!
ROY KALDHEIM fyrste påmelde til 14.8.
På biletet: Roy nr 329 i NM halvmaraton 2003. (Slo då Knut Ålien nr 325).
Fødd: 11. mars 1975
Klubb: Haugesund IL
Persar:
800 m: 1.59
1500 m: 3.58
3000 m: 8.23
5000 m: 14.42
10000 m: 30.30
1/2-maraton: 1.09
Representert Noreg 5 gonger i friidrett.
Aktuell:
* Dagleg leiar Kaldheim BIL, Båt & Bobil as
* Svoger til Liv Jorunn Sævareid
* Fyrste påmelde til Langs Åkrafjorden 14. august
Intervju med Roy kjem seinare denne veka.
Einar Gisle Sellevold
Watch: Langs Åkrafjorden
- a page under this main page and see who they are.
Questions?: egsellev@online.no
Grasrotandelen for 2009:
Fjæra og Rullestad IL: kr 5211,- 17 registrerte personar
I.L Gro: kr 11059.- (25)
IF Klypetussen: kr 42198,- (58)
Det tyder at laga i Fjorda-alliansen har fått inn totalt kr 58468,- !
2010:
Alle i I.L Gro, Fjæra og Rullestad IL og IF Klypetussen som ikkje har registrert seg for klubben sin bør vurdera det. 5% av ALT du tippar for i 2010 går til din klubb...! Og du betalar ingenting ekstra!
Einar Gisle Sellevold
Runners wanted for August 14th 2010.
11 scenic kilometres along one of the most beautiful fjords of Norway.
Prizes to be won:
1. prize: NOK 2000.- (£ 200)
2. prize: NOK 1000.-
3. prize: NOK 750.-
Track rekord: NOK 1500.- xtra.
20 ballot prizes.
Main prize: NOK 6000.-
INFO in English or German:
Gisle Sellevold Cell phone: 4860 2195
Kjempeflott juleavslutning på måndagstreninga på Sævareid skule!
13 personar var med på treninga på ein kveld der tre av dei faste ikkje kunne koma.
I tillegg kom Bjørg Astrid Sævareid med herleg graut.
Sander Hustoft fann mandelen og vann ein pose Twist. I alt 17-18 har gått meir eller mindre fast. Det er fleire enn på mange år. Randi Norheim Håland som leier treningane, har med sin ro hatt god leiing på treningane og gitt eit solid bidrag til ein god atmosfære.
Elles var det gløgg, twist og brus som vart servert i gamle skulestova. Ljosbileta var frå "Gamle dagar" mellom anna skeiseløp på Stordalsvatnet i 1996 og 17. mai feiring på Sævareid. Det var talgaljos på borda og praten gjekk lett.
Einar Gisle Sellevold
Kjempeflott juletrefest på Frette!
Midt i salen eit stort, fint pynta julatre. mange pappaer og mammaer med dei håpefulle strøymde til bedehuset på Frette. Eit eventyrslott i eit eventyrlandskap på Frette. Opning ved Harald Lindevik, og Sigurd Stødle ga oss tankar om kvifor me feirar jul, slik at me alle fekk noko å grunna på. Så var det gong rundt julatreet med to fulle ringar. Me talte 56 frammøtte. Underskrivne la spesielt merke til alle smil og den fulltonande songen. Det er lenge sidan eg har høyrt så flott song på Frette. men så var det óg Dorthea Moe som spelte til.
Etter songane var det ned i kjellaren, der me fekk herleg mat frå buffet. Praten gjekk livleg, ikkje minst for genistreken ny av året, nemleg at etter ei tid ved borda vart det vist film oppe for dei yngste.
Vel komen opp var det utlodning med rikeleg med fine vinstar; og alle fekk mandarin....
Og så til sist song me enno nokre songar kring juletreet og avlutta med "Den fyrste song eg høyra fekk", og vart ynskte vel heim av Harald Lindevik som leidde festen på fint vis.
Einar Gisle Sellevold